पुणे : पोलीसनामा ऑनलाइन – पुणे महापालिकेच्या दरिद्री कारभारामुळे ‘धरण उशाला अन् कोरड घशाला’ या म्हणीचा प्रत्यय पुणेकरांना शुक्रवारी सकाळी आला आहे. गुरुवारी कामानिमित्त संपूर्ण शहराचा पाणीपुरवठा बंद ठेवल्यानंतर आज सकाळी शहराच्या अनेक भागात पाणी न आल्याने नागरिकांचा उद्रेक होऊन पर्वती भागात लोकांनी रस्त्यावर येत रास्ता रोको आंदोलन केले आहे.
यंंदा पाऊस धो धो कोसळल्यानंतर खडकवासला धरणसाखळीतील सर्व धरणे भरुन वाहत आहेत. खडकवासला धरणातून मोठ्या प्रमाणावर पाणी सोडल्याने शहरात या पावसाळ्यात किमान दोनदा पूर आले असले तरी पिण्यासाठी किमान पाणी मिळावे, ही अपेक्षाही भर पावसाळ्यात पुणे महापालिकेच्या दळभद्री कारभारामुळे पूर्ण होऊ शकत नाही.
पुणे महापालिकेने गुरुवारी कामाचे निमित्त सांगून संपूर्ण शहराचा पाणीपुरवठा बंद ठेवला होता. त्यानंतर शुक्रवारी पाणी येणे अपेक्षित होते. मात्र, आज सकाळी अनेक ठिकाणी पाणीच आले नाही. पर्वती शिवदर्शन भागात पहाटे पाणी येते. पाणी भरुन कामाला जाण्याच्या तयारीत नागरिक असताना सकाळी ७ वाजून गेले तरी पाणी न आल्याने नागरिक संतप्त झाले. ते कळशा, भांडी घेत रस्त्यावर उतरले व त्यांनी शिवदर्शन येथील चौकात रस्ता अडवून धरला होता. या घटनेची माहिती मिळताच दत्तवाडी पोलीस ठाण्याचे कर्मचारी घटनास्थळी रवाना झाले आहेत.
Visit – policenama.com
- ‘या’ १० सौंदर्य समस्या करा दूर, नाही पैशांची आवश्यकता, अवश्य करा ‘हे’ उपाय
- या लोकांनी टाळावे ‘चायनीज फूड’! खात असाल, तर हे आवश्य जाणून घ्या
- प्राचीन उपायांनी वाढवा सौंदर्य, वर्षानुवर्षे होतोय वापर, ‘हे’ १० पदार्थ उपयोगी
- छोटी विलायचीत अनेक औषधी गुणधर्म, होतील ‘हे’ ५ आरोग्यदायी फायदे
- प्रवास करताना उलटी का होते? ‘हे’ ५ उपाय केल्यास मिळेल आराम, जाणून घ्य
- झोपण्यापुर्वी पुरुषांनी प्यावे यापैकी एक ड्रिंक, होतील ‘हे’ ७ खास फायदे
- हे जेवणानंतर खा फक्त दोन चिमुट,आरोग्यसंबंधित होतील अनेक फायदा
- रोज १ आवळा खाल्ल्यास शरीरावर होतील ‘हे’ ९ चांगले प्रभाव
- नियमित प्या ‘गहू तृणरस’, संधीवातासह ‘हे’ १० आजार होतील दूर, जाणून घ्या
- रात्री उशीखाली ठेवा एक ‘लसणाची पाकळी’ आणि मग पाहा चमत्कार!
- ‘किडनी ट्रांसप्लांट’नंतर अशी घेतली जाते काळजी, निरोगी ठेवण्यासाठी ‘हे’ करा