यावेळी बोलताना अजित पवार म्हणाले, ” चंद्रकांत पाटील काहीही बरळू लागले आहेत. म्हणे यावेळी पवार साहेबांचा पराभव होणार. हा बाबा स्वप्नात आहे की, बावचळून गेलाय कोणाला माहिती. ना कधी खासदारकी लढले ना आमदारकी अन् तरी आम्हाला फुकटचे सल्ले द्यायला निघाले आहेत. त्यांनी आधी आपली पाटीलकी सांभाळावी. उगाच काहीही गरळ ओकू नये आणि त्यांच्यात हिंमत असेल तर त्यांनी माढ्यातुन लढावं. नाही चितपट केलं तर नावच सांगणार नाही,” असं आव्हान अजित पवार यांनी दिलं.
माझी पत्नी जरी राष्ट्रवादी मधून उभी राहिली तरी मी शिवसेनेच्या उमेदवाराचाच प्रचार करणार
भाजप -सेना युतीनंतर कोल्हापुरात आगामी लोकसभेच्या उमेदवारांबाबत चर्चा सुरू आहे. त्यातच शिवसेनेकडून प्रा.संजय मंडलिक आणि धनंजय महाडिक यांच्यात चुरस रंगणार असे चित्र आहे. महसूलमंत्री चंद्रकांत दादा पाटील हे महाडिकांना साथ देणार अशी चर्चा होती मात्र “समजा माझी पत्नीने जरी उद्या राष्ट्रवादी काँग्रेसमधून निवडणूक लढवण्याची इच्छा व्यक्त केली, तरी मी शिवसेनेच्याच उमेदवाराचा प्रचार करणार. असे वक्तव्य राज्याचे महसूलमंत्री चंद्रकांतदादा पाटील यांनी केले आहे. ते मुरगूड येथे आयोजित शिवसेना-भाजप मेळाव्यात बोलत होते.