Coronavirus : जीवघेण्या ‘कोरोना’ला दूर ठेवायचंय ? ‘या’ 50 गोष्टींकडे ‘दुर्लक्ष’ करण्याची चूक अजिबात करू नका, जाणून घ्या

मुंबई : पोलीसनामा ऑनलाइन – जगभरात कोरोना विषाणूने हाहाकार उडाला आहे. जिवघेण्या कोरोना विषाणूवर जगभरातील अनेक देश औषध आणि लस शोधण्याचा प्रयत्न करत आहेत. मात्र अद्याप कोणतेही औषध किंवा लस उपलब्ध झालेली नाही. संपूर्ण जग कोरोना विरोधात लढा देत आहे. कोरोना संकटाला हरवायचं असेल तर काही गोष्टींबाबत खबरदारी घेणं गरजेचं आहे. विशेष करून स्वच्छतेबाबत काही गोष्टींची काळजी घ्यावी लागणार आहे.

कोरोना दूर ठेवण्यासाठी या 50 गोष्टींकडे दुर्लक्ष करू नका…
1.मास्कचा वापर करा, कुठेही थुंकू नका.
2. शिंकताना तोंडावर रुमाल ठेवा.
3. तुम्हाला ताप किंवा सर्दी-खोकला असेल तर त्याबाबत घरच्यांशी बोला. काही लपवून नका. मुख्य म्हणजे काही दिवस घरातच वेगळ्या खोलीत रहा.
4. डॉक्टरांच्या सल्ल्यानं आरोग्यविषयक चाचण्या करून घ्या. जर टेस्ट कोरोना पॉझिटिव्ह आली तर सरकारी आणि आरोग्य यंत्रणेंनी दिलेल्या सूचनांचे पालन करा.
हात धुताना कोणती काळजी घ्याल
5. मुख्य म्हणजे कमीतकमी 20 सेकंद हात धुवा.
6. कोरोनाच्या काळात साबणानं हात धुणं हा योग्य पर्याय आहे. तुम्हाला जितक्या वेळा शक्य असेल तितक्या वेळा हात धुवा.
7. साबण उपलब्ध नसेल तर सॅनिटायझरचा वापर करा. पण साबण हा उत्तम पर्याय आहे. तुम्ही जर बाहेर जात असाल तर तुमच्या सोबत सॅनिटायझर ठेवा.
8. सॅनिटायझर घेताना देखील असे घ्या जे हातावर घेतल्यावर क्षणात उडून जाईल. तसंच 60 टक्क्यांपेक्षा जास्त अल्कहोल असलेलं सॅनिटायझरचा वापर करा.
9. सतत सॅनिटायझर वापरल्याने त्वचा कोरडी पडू शकते. त्यामुळे साबण वापरण्यास प्राधान्य द्या. तसंच हात धुतल्यानंतर लगेच त्यावर मॉइस्चराझर लावा.
10. दरवाजा, लिफ्ट अशा ठिकाणी जिथ कोरोना विषाणू जास्त काळ राहू शकतो त्या ठिकाणी सॅनिटायझर स्प्रे करत राहणं गरजेचं आहे.
11. स्वयंपाकघर किंवा जिथं आगीशी संपर्क येतो तिथे सॅनिटायझर नेऊ नका. नाहीतर मोठ्या परिणामांना सामोरं जावं लागेल.
मोबाइल वारताना कोणती काळजी घ्याल
12. सध्या अन्न, वस्तर, निवारा जशा गरजेच्या आणि मूलभूत गरजा आहेत. तसे मोबाइल देखील गरजेचा झाला आहे. पण मोबाइलद्वारे कोरोनाच्या विषाणूचा फैलाव जास्त प्रमाणात होण्याची शक्यता आहे. मोबाइल सॅनिटाइझ करू शकत नाही. त्यामुळे मोबाइल झिप पाऊचमध्ये घाला. आवाज येण्यासाठी फक्त त्याला एक छोटंसं छित्र पाडा. मोबाइल वापरताना तो पाऊच मधून काढणं टाळा.
13. दुसरा पर्याय म्हणजे लॅमिनेट करू घेणं. जेणेकरून सॅनिटाइझ करताना मोबाइल स्क्रीन आणि मदरबोर्ड खराब होणार नाही.
14. वरील दोन्ही गोष्टी शक्य नसतील तर मोबाइल प्लास्टिकच्या पिशवीत ठेवा. ती सतत सॅनिटाइझ करणं हा चांगला पर्याय ठरू शकतो.
15. मोबाइल अ‍ॅक्सेसरीज वापरणं प्रामुख्यानं टाळा. त्याद्वारे संसर्ग होण्याचं प्रमाण अधिक आहे.
16. मुख्य म्हणजे मोबाइल कुठेही ठेवू नका. तुमच्या खिशात ठेवा.
मुलांबाबत कोणती काळजी घ्याल
17. मुलांना सतत हात सॅनिटाइज करण्याची सवय लावा.
18. सध्या मुलं मोबाइल-गॅजेटच्या आहारी गेले आहेत. त्यांना स्क्रीनपासून दूर ठेवण्याचा प्रयत्न करा.
19. मुलांना सुरक्षित अंतर ठेवून वावरायला शिकवा. जेणेकरून संसर्गाचा धोका कमी होईल.
घरात कोणती काळजी घ्याल
20. कुठलंही काम करण्याआधी हात स्वच्छ धुऊन घ्या. तसंच घर स्वच्छ ठेवा.
21. नका-तोंडात बोटं घालणं किंवा नखं खाणं अशा वाईट सवयी सोडण्याचा प्रयत्न करा. डोळ्यांना देखील हात लावणं टाळा.
22. घरात चपला घालणं टाळा. शक्यतो चपला घारबाहेर ठेवा.
23. तुम्ही जर बाहेरून येत असाल तर घरी आल्या बरोबर कपडे गरम पाण्यात धुवून वाळवा. तसेच हात धुताना चश्मा आणि घड्याळ देखील सॅनिटाइज करा.
24. घरी आलेल्या पाहुण्यांशी हात मिळवण्यापेक्षा त्यांचं नमस्कार करून स्वागत करा.
25. घरात एसीचा वापर करू शकता. पण खोली जास्त थंड होऊ देऊ नका.
लिफ्टचा वापर करताना कोणती काळजी घ्याल
26. लिफ्टमध्ये जाताना आधी पंखा लावा. थोडं थांबून मग आत जा. तुम्हाला ज्या मजल्यावर जायचे आहे ते बटण हाताने न दाबता पेनाचा वापर करा.
27. लिफ्टमध्ये कोणी नसताना तिचा वापर करण्यावर भर द्या.
28. तुमच्या सोबत लिफ्टमध्ये अजून व्यक्ती असल्यास भिंतीकडे तोंड करून उभं रहा. दुसऱ्या व्यक्तीच्या तोंडाजवळ उभं राहणं टाळा.
बाजारात जाताना घेण्याची काळजी
29. बाजारात गेल्यावर सुरक्षित अंतर ठेवा.
30. बाजारात कमीतकमी जावं लागेल याची काळजी घ्या. शक्यतो आठवड्यातून एकदाच जा.
31. कॅशचा वापर करणं टाळा. डिजिटल पेमेंटचा वापर करा. कार्ड स्वाईप करून झाल्यावर कार्ड खिशात न ठेवता झिप पाऊचमध्ये ठेवणं पसंत करा. तसच हात सॅनिटाइझ करा.
32. शक्यतो दुकानात गर्दी असल्यास जाणं टाळा. जिथं गर्दी कमी असेल तिथं जाण्यास प्राधान्य द्या.
33. दुकानात गेल्यावर तेथील वस्तूंना हात लावत असाल तर ती सवय मोडा.
34. बाजारातून आणलेली एखादी गोष्ट लगेच वापरायची नसेल तर ती सॅनिटाइज करून आठवड्यानंतर वापरा.
35. दुकानातून आल्यावर ज्या गोष्टी धुणं शक्य असेल त्या गोष्टी मीठ घातलेल्या गरम पाण्यात धुऊन उन्हात सुकवून घ्या.
बाहेर जाताना कोणती काळजी घ्याल
36. जिन्स किंवा पँटच्या खिशात हात घालण्यास प्राधान्य द्या. जेणेकरून तुम्हाला प्रवास करताना कुठेही हात लावणं टाळता येईल.
37. बाहेर जाणं टाळा. ते शक्य होत नसल्यास ग्लोव्हज, मास्क आणि फेस शिल्डचा वापर करा. मगच घरा बाहेर पडा.
38. हँडल पकडण्याची सवय असेल तर ती बदला.
39. सॅनिटायझर नेहमी बरोबर असू द्या. कुठेही हात लावल्यानंतर हात त्वरित सॅनिटायझ करण्याची सवय लावून घ्या.
फिटनेस आणि आहाराविषयी
40. रोज कमीतकमी दहा हजार पाऊलं चाला. ते शक्य नसल्यास 15-15 मिनिंट असं तीन वेळा वॉक घ्या. तुम्ही दहा हजार पाऊलं चालले आहात का नाही हे बघण्यासाठी मोबाइलमध्ये स्टेप ट्रॅकर अ‍ॅप डाऊनलोड करा. गुगल फिट, स्टेप काऊंटर, पेडोमिटर, फिटबीट ही अँड्रॉइड आणि आयओएससाठीची काही फिटनेस अ‍ॅप्स आहेत.
41. एरोबिक्सला पर्याय म्हणून डान्स किंवा झुम्बा करू शकता. डान्स केल्यानं मन प्रसन्न राहतं. तसंच वजन नियंत्रित ठेवण्यात मदत देखील करतं.
42. सकाळी पार्कमध्ये वॉकला जाणं कटाक्षानं टाळा. त्यापेक्षा तुमच्या घरातील बाल्कनी किंवा गच्चीमध्ये वॉक करा. इमारतीच्या आवारातही फेऱ्या मारु शकता.
43. तुम्हाला मधुमेह असेल तर रक्तातील साखरेचं प्रमाण नियमित तपासा. नियमित म्हणजे डॉक्टरांनी सांगितल्यानुसार आणि मार्गदर्शन केलेल्या पद्धतींचा अवलंब करा.
44. तणाव कमी करण्यासाठी 15 मिनिटं ध्यानधारणा करा.
45. पाच मिनिटं स्वसनाचे व्यायाम करा, 10 मिनिटं अनुलोम-विलोम आणि प्राणायाम करा. प्राणायाम केल्यानं मन:शांती मिळते.
46. रोज आठ ते दहा ग्लास पाणी पिणं आवश्यक आहे. भरपूर पाणी पिल्यानं पचनक्रिया सुरळीत पार पडते.
47. उच्च रक्तदाबाचा त्रास असल्यास विशेष काळजी घेणं गरजेचं आहे.
48. सफरचंद, टरबूज, संत्र, सलाड, क्रीम विरहित दही या गोष्टींचं सेवन जास्त प्रमाणात करा.
49. रोगप्रतिकारक शक्ती वाढवणाऱ्या पदार्थांचा आहारामध्ये समावेश करा.
50. रोज आहारात 100 ते 200 ग्रॅम हिरव्या भाज्या, 200 ते 300 ग्रॅम सलाड, 100 ते 150 ग्रॅम फळं आणि 20 ते 25 ग्रॅम सुका मेवा यांचा समावेश करावा.