नवी दिल्ली : वृत्तसंस्था – धनतेरस ते भाऊबीजपर्यंतचा प्रत्येक दिवस दिवाळीत खास असतो. या दिवसात सगळीकडे प्रकाशमय वातावरण असते. आपण ही या दिवसात घर सजवतो. महिला दिवाळीमध्ये अनेक तयारी करत असतात. घर सजवणे, फराळ करणे, शॉपिंग करणे. जसे आपले घर आणि आजूबाजूचे वातावरण फ्रेश असते तसेच दिवाळीदिवशी आपणही छान आवरून फ्रेश दिसायला हवे ना. त्यासाठी तुम्हाला आता पार्लरमध्ये जाण्याची गरज नाही फक्त या मेकअप टिप्सचे अनुसरण करून तुम्ही लवकर तयार होऊ शकता. चला तर मग जाणून घेऊया..
चेहरा :
प्रथम चेहऱ्यावर प्राइमर लावा. प्राइमर सिलिकॉनयुक्त असते. याचा उपयोग करून, चेहऱ्याच्या बारीक ओळी, खुले छिद्र आणि खड्डे भरले जातात. अशाप्रकारे, आपल्या मेकअपला एक परिपूर्ण सुरुवात मिळते आणि बराच काळ मेकअप टिकतो. प्राइमर लावल्यानंतर थोडा वेळ थांबा, जेणेकरून प्राइमर त्वचेमध्ये चांगले शोषून घेईल. त्यानंतर वॉटरप्रूफ बेस वापरा. यासाठी, आपण ओले करून फक्त दोन वे केकचा स्पंज लावा. त्वचेवर काही डाग असल्यास, त्वचेच्या टोनशी जुळणारे कन्सीलर वापरण्यास विसरू नका.
गाल :
गोऱ्या रंगावर गुलाबी रंग आणि सावळ्या रंगावर पीच शेड ब्लशर छान दिसते. नाकाच्या दोन्ही बाजूला आणि डबल चीनला लपवण्यासाठी डार्क ब्राऊन शेडच्या ब्लशरने कॉन्टूरिंग करा. असे केल्याने चेहरा आकर्षित आणि शार्प दिसतो. रात्रीचा मेकअप करताना ब्लशरने चीक्स बोनवर हायलायटर नक्की करा.
डोळे :
नियॉन बोल्ड कलर असतात. पॅरट ग्रीन, हॉट पिंक, कॅनरी यलो, टँझरीन इ. या सर्व शेड्स या श्रेणीत येतात. ड्रेसला कॉम्प्लीमेंट करणारा कोणत्याही डबल शेड पापण्यांवर लावून चांगले ब्लेंड करा. नंतर डोळ्यांना आयलायनर लावा. नंतर मस्कारा लावा. जेल-युक्त काजळ लावून लुक पूर्ण करा.
ओठ :
डोळ्यांचा मेकअप खूप वायब्रेंट आहे, म्हणून ओठ न्यूड ठेवा. फिकट गुलाबी किंवा पीच रंगाची लिपस्टिक लावा. यानंतर, ओठ सीलरसह सील करा. यामुळे लिपस्टिक जास्त काळ टिकेल आणि ओठ चमकतील.
हेअर स्टाइल :
सामान्यतः अशावेळी मुली केस मोकळे सोडणे पसंत करतात, पण या सीजनमध्ये ब्रेड्स म्हणजेच हेअर स्टाइल खूप पसंत केली जात आहे. अशामध्ये फिशटेल, फ्रेंच वेणी, साइट वेणी घालू शकता. त्याला हेअर एक्सेसरीजने सजवा.