कांद्याला दरावरील नियंत्रणासाठी सरकारनं उचलले मोठे पाऊल , आता बाजारात असा विकला जाईल कांदा

नवी दिल्ली, वृत्तसंस्था : देशातील कांद्याच्या वाढत्या दराबाबत केंद्र सरकारने कडक पावले उचलली आहेत. कांद्याच्या वाढत्या किंमती लक्षात घेता केंद्र सरकारने कांद्यावर स्टॉक लिमिट नियम लागू केला आहे. घाऊक विक्रेता आता केवळ 25 मेट्रिक टन कांदा साठवू शकतो. किरकोळ व्यापारी केवळ दोन मेट्रिक टन कांदा साठवण्यास सक्षम असतील. एवढेच नव्हे तर बाजारात कांद्याची आवक वाढवण्यासाठी एमएमटीसी 10,000 मेट्रिक टन कांद्याच्या आयातीसाठी निविदा काढेल. खासगी कंपन्यांव्यतिरिक्त एमएमटीसी लाल कांदा आयात करेल.

किंमत नियंत्रणासाठी परदेशातून आणला जाईल कांदा
देशातील अनेक शहरांमध्ये कांद्याचे दर प्रति किलो 100 रुपयांच्या पुढे गेले आहेत. वाढत्या किंमतींवर नियंत्रण ठेवण्यासाठी कांद्याची साठा मर्यादा निश्चित केली गेली आहे. कांदा साठा मर्यादेपेक्षा जास्त ठेवल्याबद्दल दोषींवर कडक कारवाई केली जाईल. नाफेडने आतापर्यंत 42 हजार टन कांदा विकला आहे. तर नाफेडकडे 20 ते 25 हजार टन साठा शिल्लक आहे. नाफेडने यंदा 98 हजार टन साठा केला. उद्या एमएमटीसी कांदा आयातीसाठी निविदा काढेल.

पावसामुळे 6 लाख मेट्रिक टन कांद्याचे उत्पादन प्रभावित झाले आहे कांदा उत्पादक राज्यांनी अशी माहिती दिली आहे. होर्डर्सनी किती कांदा जमवला याची आकडेवारी सरकारकडे नाही.

कांद्याचे दर आणखी वाढण्याची अपेक्षा
दरम्यान, काही भागात भाजी मार्केटमधून कांदा दीडशे रुपये प्रतिकिलोपर्यंत विकला जात आहे. त्याचबरोबर चलनवाढीमुळे टोमॅटोही चर्चेत आहेत. टोमॅटोची किंमत 90 रुपये किलोवर पोहोचली आहे. परंतु हे भाव येथे थांबणार नाही. असे भाजी विकणारे दुकानदार सांगतात. कांदा आणि टोमॅटो प्रति किलो 10 ते 20 रुपयांपर्यंत वाढू शकतो. दुकानदारांच्या म्हणण्यानुसार होर्डिंग हे यामागील सर्वात मोठे कारण आहे. दरम्यान, घाऊक बाजारात आणि स्टोव्हवर विकल्या जाणार्‍या टोमॅटो आणि कांद्याच्या दरांमध्ये लक्षणीय फरक आहे. पण त्यामागे किरकोळ दुकानदाराचे स्वतःचे लॉजिक आहे. कारण काहीही असो, परंतु सर्वसामान्यांच्या स्वयंपाकघरातील बजेट ढासळत आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा. WhatsAPP

You might also like