अहमदनगर : पोलीसनामा ऑनलाइन – जमिनीची हद्द कायम मोजणीची कागदपत्रे तहसील कार्यालयात पाठवण्यासाठी सहा हजार रुपयांची लाच घेतल्याप्रकरणी परीक्षण भूमापक दौलत डामरे यास चार वर्षे साध्या कैदेची शिक्षा सुनावण्यात आली आहे.
याबाबत माहिती अशी की, दाैलत डामरे ह आक्टोबर २०१० मध्ये अकाेले येथील भूमी अभिलेख कार्यालयामध्ये कार्यरत होते. या वेळी एका व्यक्तीकडून जमिनीची हद्द कायम मोजणीची कागदपत्रे तहसील कार्यालयात पाठविण्यासाठी त्यांनी सहा हजार रुपयांची लाच मागितली होती. २९ ऑक्टोबर २०१० रोजी लाचेची रक्कम स्वीकारताना डामरे यांना लाचलुचपत प्रतिबंधक विभागाच्या पथकाने रंगेहाथ पकडले होते.
लाचलुचपत प्रतिबंधक विभागाचे तत्कालिन पोलिस उपअधीक्षक विजय धोपावकर यांनी गुन्ह्याचा तपास पूर्ण करून संगमनेर येथील विशेष न्यायालयात ११ मार्च २०११ला दोषारोपपत्र दाखल केले होते. याप्रकरणाची सुनावणी पूर्ण झाली असून न्यायालयाने चार वर्षांच्या साध्या कैदेची शिक्षा सुनावली आहे. डामरे यांना २४ हजार रुपयांचा दंडही करण्यात आला आहे. सरकार पक्षातर्फे खटल्याचे कामकाज सहायक सरकारी वकील कोल्हे यांनी काम पाहिले.
Visit : Policenama.com
- नक्की किती तास झोप घ्यावी ? कमी आणि जास्त झोपेचे ‘हे’ आहेत ५ परिणाम
- शरीराच्या सर्व अवयवांचा होतो व्यायाम, द्रोणासनाचे ‘हे’ ३ फायदे
- लिंबू पाणी पिण्याचे ‘हे’ आहेत ७ आरोग्यदायी फायदे, जाणून घ्या
- त्वचा सुंदर बनविण्यासाठी ‘या’ ८ टिप्स तुम्हाला पडतील उपयोगी, जाणून घ्या
- कंबर आणि पोटावरील चरबी ‘या’ आसनाने होईल कमी, ‘हे’ आहेत ४ फायदे
- मज्जातंतू कार्यक्षम होण्यासाठी करा ‘परिवर्तित चक्रासन’, हे आहेत ५ फायदे