नवी दिल्ली : वृत्तसंस्था – भारताच्या एका वाघाने नकळत त्याच्या नावे एक खास विक्रम केला आहे. वॉकर नावाच्या या वाघाने महाराष्ट्रातील सात जिल्ह्यांत व तेलंगणाच्या काही भागांमधून जात 9 महिन्यांत 3000 किमीचा प्रवास पूर्ण केला आहे आणि यापूर्वी कोणत्याही वाघाने असा पराक्रम केलेला नाही. गेल्या वर्षी फेब्रुवारीमध्ये वॉकरला एक रेडिओ कॉलर बसविण्यात आला होता आणि हा वाघ सातत्याने जंगलात प्रवास करीत राहिला. जीपीएस सॅटेलाईटच्या मदतीने यास दर तासाला ट्रॅक केले जात होते आणि संपूर्ण प्रवासात या वाघाने 5000 नवीन लोकेशन्सवर आपली उपस्थिती दर्शविली.
नऊ महिन्यांच्या प्रवासानंतर मार्च महिन्यात हा वाघ महाराष्ट्राच्या अभयारण्यात स्थायिक झाला होता. या वर्षाच्या एप्रिलमध्ये हा रेडिओ कॉलर काढला गेला. 205 चौरस किलोमीटरच्या परिघात पसरलेल्या ज्ञानगंगा अभयारण्यात निळे बैल, रानडुकर, बिबट्या, मोर आणि हरिण यांसारखे प्राणीही आढळतात.
मागील हिवाळ्यात आणि यावर्षी उन्हाळ्यातदेखील वॉकर नद्या, महामार्ग, रानावनात प्रवास करत राहिला. महाराष्ट्रात हिवाळ्याच्या हंगामात कापसाची लागवड होते आणि यामुळे वॉकरला शेतात लपून राहण्यास मदत मिळाली. तो बहुधा रात्रीच प्रवास करीत असे आणि या काळात तो रानडुकरांसारखे प्राणी खाऊन आपली भूक भागवत होता. इथल्या प्रशासकीय अधिकाऱ्यांचे म्हणणे आहे की, इथल्या बर्‍याच प्राण्यांमध्ये वॉकर हा पहिला वाघ असेल.
येथील प्रशासन या अभयारण्यात वाघीण आणणे योग्य होईल की नाही, यावरही विचार करीत आहे. महाराष्ट्राचे ज्येष्ठ वन अधिकारी नितीन काकोडकर यांनी बीबीसीशी बोलताना सांगितले की, वाघ कदाचित शिकार करण्याच्या, परिसरात स्थायिक होण्याच्या किंवा एखाद्या जोडीदाराच्या शोधात होता. ते म्हणाले की, येथे वाघीण आणण्याचा निर्णय घेणे सोपे ठरणार नाही, कारण हे एक मोठे अभयारण्य नाही. याच्या आजूबाजूला जमिनी आहेत आणि जर येथे वॉकर वाघांना जन्माला घालत असेल, तर ते या ठिकाणाहून वेगळे होण्याचा प्रयत्न करतील आणि लहान अभयारण्यामुळे त्यांना अडचणी येऊ शकतात.