महत्वाच्या बातम्या

उत्सवाच्या हंगामात स्वदेशीची ‘धूम’, नितीन गडकरी यांनी लाँच केले खादीचे ‘शूज’

पोलीसनामा ऑनलाइन टीम  –   पंतप्रधान नरेंद्र मोदी यांनी नुकताच आपल्या मन की बात कार्यक्रमात स्वदेशी वस्तू वापरण्याविषयी बोलले होते. दरम्यान, केंद्रीय मंत्री नितीन गडकरी यांनी सोमवारी खादीचे शूज लाँच केले. हा नवीन उपक्रम एमएसएमई मंत्रालयाने खादीला प्रोत्साहन देण्यासाठी सुरू केला आहे. खादीचे कपडे, मास्क आणि इतर वस्तू देशाच्या बर्‍याच भागात लोकप्रिय झाल्या आहेत. दरम्यान, उत्सवाच्या हंगामात खादीचे शूजही बाजारात आले आहेत, जे पुरुष व महिला दोघांनाही उपलब्ध असतील.

सोमवारी खादी शूज लॉन्च करताना नितीन गडकरी म्हणाले की, आशा आहे की लोकांना हे आवडेल आणि लोक पुन्हा एकदा खादीला पुढे घेऊन जातील.

पंतप्रधान नरेंद्र मोदी यांनी या महोत्सवाच्या वेळी लोकांना स्थानिक वस्तू खरेदी करण्याचे आवाहन केले आहे. मन कि बातमध्ये पीएम मोदी म्हणाले होते की, खादी आता जगात एक ओळख बनवित आहे, तसेच ते फॅशन स्टेटमेंट बनले आहे. यावेळी पंतप्रधान मोदींनी खादी मास्कचे कौतुक केले आणि दिल्लीतील खादी इंडिया स्टोअरमध्ये विक्री कशी वाढू लागली आहे हे सांगितले. पंतप्रधानांनी मेक्सिकोचा उल्लेख केला, जेथे काही खेड्यांमध्ये खादी तयार केली जात आहे आणि खादीची उत्पादने प्रसिद्ध होत आहेत.