खळबळजनक ! तत्कालीन पोलिस निरीक्षकांसह उपनिरीक्षक व इतर कर्मचाऱ्यांविरुद्ध खुनाचा FIR
अहमदनगर : पोलीसनामा ऑनलाइन – नेवासा पोलीस ठाण्याचे तत्कालीन पोलीस निरीक्षक प्रवीणचंद लोखंडे, पोलीस उपनिरीक्षक भिंगारे, जांभळे व इतर कर्मचाऱ्यांच्या मारहाणीत संशयित आरोपीचा मृत्यू झाल्याप्रकरणी नेवासा पोलीस ठाण्यात उच्च न्यायालयाच्या आदेशावरून खुनाचा गुन्हा दाखल करण्यात आला आहे. या घटनेमुळे पोलिस वर्तुळात मोठी खळबळ उडाली आहे.
सुमारे दोन-अडीच वर्षापूर्वी नेवासा पोलीस ठाण्यात एका संशयिताचा मृत्यू झाला होता. फाशी घेऊन आरोपीचा मृत्यू झाला, असा पोलिसांनी बचाव केला होता. दुसरीकडे मयताच्या नातेवाईकांनी पोलिसांच्या मारहाणीत मृत्यू झाल्याचा दावा केला होता. या मृत्यू प्रकरणाची राज्य गुन्हे अन्वेषण विभागामार्फत चौकशी करण्यात आली होती. मात्र त्यात पोलिसांना ‘क्लिनचिट’ मिळाली होती.
याप्रकरणी मयतांच्या नातेवाईकांनी मुंबई उच्च न्यायालयाच्या औरंगाबाद खंडपीठात धाव घेतली होती. उच्च न्यायालयाने तत्कालीन पोलिस निरीक्षक लोखंडे व इतर अधिकारी व कर्मचाऱ्यांविरुद्ध खुनाचा गुन्हा दाखल करण्याचे आदेश पोलिसांना दिले होते. या आदेशाविरुद्ध लोखंडे व इतर पोलिसांनी सर्वोच्च न्यायालयात धाव घेतली होती. न्यायालयाने उच्च न्यायालयाचा आदेश कायम ठेवला. त्यामुळे आज सायंकाळी नेवासा पोलीस ठाण्यात मयताच्या नातेवाईकांच्या फिर्यादीवरून उच्च न्यायालयाने दिलेल्या आदेशावरून तत्कालीन पोलीस निरीक्षक लोखंडे व इतरांविरुद्ध नेवासा पोलिस ठाण्यात खुनाचा गुन्हा दाखल करण्यात आला आहे. यात पोलिस अधिकाऱ्यांसह कर्मचारी अशा सुमारे दहा जणांचा समावेश आहे.
- अशा प्रकारे लावा ‘काजळ’ ,दिवसभर राहिल ‘जसेच्या तसे’
- तुमच्या शरीरात असू शकतात ‘विषारी घटक’, या १० गोष्टींवरुन घ्या जाणुन
- फक्त सनस्क्रीन त्वचेसाठी पुरेशी नाही, ‘या’ टिप्सही अवश्य फॉलो करा
- उंच टाचेच्या सँडल गर्भधारणेसाठी ठरतात घातक, आरोग्यावर पडतो वाईट प्रभाव
- पुरुषांमध्ये कमी होत आहे ‘फर्टिलिटी’, जाणून घ्या ‘ही’ ७ कारणे
- कोणत्या लोकांना होऊ शकतो ‘लिव्हर कँसर’, वेळीच ओळखा ‘हे’ ७ संकेत
- सावळे असण्याचे आहेत ‘हे’ ७ आरोग्य फायदे, कदाचित तुम्हाला माहिती नसतील
- निरोगी आरोग्यासाठी जिभेची स्वच्छता आवश्यक, ट्राय करा ‘हे’ उपाय