अ‍ॅन्टी करप्शनने पकडलेल्या ‘त्या’ तिघांविरोधात अपहरण आणि चोरीचा गुन्हा दाखल
File Photo पुणे : पोलीसनामा ऑनलाईन – स्वत: क्राइम ब्रांचचा पोलीस हवालदार असल्याचे सांगत चिखली पोलीस ठाण्यात तक्रार आली असून गुन्हा दाखल न करण्यासाठी व आधी चौकशीसाठी घेतलेला मोबाईल व प्रोजेक्टर परत करण्यासाठी ३० हजार रुपयांची लाच घेताना अ‍ॅन्टी करप्शनच्या पथकाने पकडलेल्या तिघांविरोधात चंदननगर पोलीस ठाण्यात अपहरण आणि चोरीचा गुन्हा दाखल करण्यात आला आहे. पकडलेल्यांमध्ये एका वकिलाचाही समावेश आहे.
दशरथ दत्तात्रय शिंदे (वय ३७ वर्षे, रा.एकलहरे ता. आंबेगाव जि. पुणे), अ‍ॅड. संतोष पोपट थोरात (वय ३२ वर्षे, धंदा वकील रा / एक लॉन सोसायटी खराडी पुणे), मंगेश उत्तम जिवडे (वय ४० वर्षे, रा. थिटे वस्ती खराडी पुणे) अशी पकडलेल्या तिघांची नावे आहेत. याप्रकरणी सचिन सक्तेश्वर तपसे (वय ३४, रा. सातव वस्ती, खऱाडी) यांनी फिर्याद दिली आहे.
अ‍ॅड. संतोष थोरात याने तुमच्या विरोधात चिखली पोलीस ठाण्यात तक्रार आली आहे. तिचा तपास पोलीस उपनिरीक्षक आहिरे हे करीत आहेत. असे सांगितले. तर दशरथ शिंदे याने आपण क्राइम ब्रांचमध्ये पोलीस हवालदार असल्याचे सांगितले. तसेच या हे प्रकरण आपणच हाताळत आहोत. असे सांगितले.
दरम्यान त्या तक्रारी वरून गुन्हा दाखल न करण्यासाठी आणि चौकशीसाठी तक्रारदाराक़डून आधीच ताब्यात घेतलेले मोबाईल व प्रोजेक्टर परत करण्यासाठी दशरथ शिंदे याने मंगेश जिवडे, आणि अ‍ॅड. संतोष थोरात यांच्या मदतीने तक्रारदाराला १ लाख रुपये लाच मागितली. त्यानंतर ते तडजोडीअंती ३० हजार रुपये स्विकारण्यास तयार झाले. तक्रारदाराची लाच देण्याची इच्छा नसल्याने त्याने अँटी करप्शनकडे तक्रार केली.
तेव्हा अँटी करप्शनच्या पथकाने पडताळणी केल्यावर त्यांनी १ लाखांची मागणी करून तडजोडी अंती ३० हजार रुपयांची मागणी केल्याचे निष्पन्न झाले. त्यानंतर अ‍ॅन्टी करप्शनच्या पथकाने मंगळवारी खराडी येथील झिनस्टार IT पार्क येथील हॉटेल परमहंस समोर तिघांनाही ३० हजार रुपये स्विकारताना रंगेहात पकडले. तिघांनीही आपण पोलीस असल्याचे भासवून पैसे उकळण्याचा प्रयत्न केला. तत्पुर्वी तिघांनी त्यांना जबरदस्तीने गाडीत बसवून अपहरण केले. त्यानंतर साने यपोलीस चौकी येथे जाऊन माध्या गाडीचे प्रोजेक्टर काढून आण म्हणत बळजबरीन एटीएममधून ४ हजार रुपये जबरदस्तीने काढून घेतले.