नवी दिल्ली : वृत्तसंस्था –पीओकेमध्ये ब्लड बँकेच्या नावाखाली चालणाऱ्या सेक्स रॅकेटचा पर्दाफाश करण्यात आला आहे. याप्रकरणी पाकिस्तानी दहशतवादी गट जमात-उद-दावा चा नेता सय्यद समीर बुखारी याला अटक करण्यात आली आहे. बुखारीला सेक्स रॅकट चालविण्याच्या आरोपाखाली पाकिस्तान व्याप्त काश्मीरमधील (पीओके) बाग शहरातून अटक करण्यात आली आहे.
बुखारी जमात-उद-दावाशी संबंधित अल-महफिज फाउंडेशन चालवतो. हे फाउंडेशन मुंबई दहशतवादी हल्ल्याचा मुख्य सुत्रधार हाफिज सईदच्या नेतृत्वात जमात-उद-दावा या दहशतवादी संघटनेचा भाग आहे. एका वृत्तसंस्थेच्या माहितीनुसार, एक व्हिडिओ व्हायरल झाल्यानंतर दुसऱ्याच दिवशी पोलिसांनी त्याला अटक केली.
व्हायरल झालेल्या व्हिडिओमध्ये तो बाग या शहरामध्ये असलेल्या कार्यालयात महिलांचा विनयभंग करताना दिसून आला. बुखारी हा रक्तपेढीच्या नावावर हे सेक्स रॅकेट चालवत होता. मिळालेल्या माहितीनुसार, बुखारी हा पूर्वी जमात-उत-दावाचा प्रमुख हाफिज सईदचा खास विश्वासू होता. या भागात भारत विरोधी कारवाया आणि इतर कामे करत होता. तो अजूनही हे काम करत असल्याची माहिती मिळत आहे.जमात-उल-दावा काश्मिरी जनतेचे हितचिंतक असल्याचे सांगत होती. मात्र, या नावाच्या आड काही दिवस सेक्स रॅकेट आणि ड्रग्ज रॅकेटमध्ये गुंतल्यामुळे चर्चे आली. स्थानिक पोलिसांनी समीर बुखारी याला अटक केल्यानंतर जमात-उल-दावाचा खरा चेहरा समोर आला आहे. पाकिस्तान व्याप्त काश्मीरमध्येच नाही तर पाकिस्तानच्या इतर भागात देखील जमात-उल-दावा सक्रीय होती.