Pune Paud Road Accident | भरधाव पीएमपीच्या धडकेत महाविद्यालयीन तरुणीचा मृत्यू, कोथरुड परिसरातील घटना
पुणे : पोलीसनामा ऑनलाइन – Pune Paud Road Accident | पौड रस्त्यावर कचरा डेपो परिसात पीएमपी बसच्या धडकेत दुचाकीवरील सहप्रवासी तरुणीचा मृत्यू झाला. या अपघातात दुचाकीस्वार तरुण जखमी झाला आहे. याप्रकरणी पीएमपी चालकाविरुद्ध कोथरुड पोलीस ठाण्यात (Kothrud Police Station) गुन्हा दाखल केला आहे. हा अपघात शनिवारी (दि.16) सकाळी सात वाजण्याच्या सुमारास झाला. (Pune Paud Road Accident)
माही मयुर गांधी (वय-19 रा. शोभा ऑप्टिमा बिल्डींग, माणिकबाग, सिंहगड रस्ता) असे मृत्यू झालेल्या महाविद्यालयीन तरुणीचे नाव आहे. तर मंदार नानवटी हा जखमी झाला आहे. याबाबत पोलीस अंमलदार अमोल शरद नजन (वय-24) यांनी कोथरुड पोलीस ठाण्यात फिर्याद दिली आहे. यावरुन PMPML Bus चालकावर आयपीसी 279, 304(अ) सह मोटार वाहन कायद्यांतर्गत गुन्हा दाखल केला आहे.
पोलिसांनी दिलेल्या माहितीनुसार, दुचाकीस्वार मंदार आणि त्याची मैत्रिण माही पौड रस्त्याने एमआयटी महाविद्यालयाकडे सकाळी सातच्या सुमारास जात होते. कचरा डेपोसमोरील सार्वजनिक रोडवर भरधाव दुचाकी घसरली. त्यावेळी पाठीमागून आलेल्या भरधाव पीएमपी बसच्या चाकाखाली माही सापडली. अपघातात गंभीर जखमी झालेल्या माहीचा उपचारापूर्वीच मृत्यू झाला. तर मंदार जखमी झाला असून त्याच्यावर खासगी रुग्णालयात उपचार सुरु आहेत.
अपघाताची माहिती मिळताच वरिष्ठ पोलीस निरीक्षक संदीप देशमाने,
सहायक पोलीस निरीक्षक बाबर, पोलीस उपनिरीक्षक पांढरे यांनी घटनास्थळी भेट दिली.
पसार झालेल्या पीएमपी बसचालकाविरुद्ध गुन्हा दाखल करण्यात आला असून,
पोलीस उपनिरीक्षक बसवराज माळी तपास करत आहेत.
Join our WhatsApp Group, Telegram, facebook page and Twitter for every update
हे देखील वाचा