भाजपच्या बड्या नेत्याला ‘धमकी’, ‘खुप कमी दिवस राहिलेत तुमचे’

पोलीसनामा ऑनलाईन टीम – ‘खूप कमी दिवस राहिले आहेत तुझे आता’ या धमकीने दिल्ली पोलीस आणि भाजप नेते व माजी खासदार यांच्या पायाखालची जमीन सरकली आहे. ही धमकी कोणी दिली माहित नाही. याप्रकरणी तक्रार दाखल केली असून, नवी दिल्ली जिल्हा पोलिसांच्या नॉर्थ एवेन्यू पोलिस ठाण्याने तपास सुरू केला आहे.

भाजपचे माजी खासदार विनय कटियार यांना ही  धमकी देण्यात आली आहे. ११ डिसेंबर रोजी रात्री हा प्रकार झाल्याचे समजते. त्यानंतर दुसर्‍याच दिवशी म्हणजेच १२ डिसेंबर रोजी नॉर्थ एवेन्यू पोलिस ठाण्यात तक्रार दाखल करण्यात आली आहे. शुक्रवारी नवी दिल्ली जिल्हा डीसीपी ईश सिंघल यांनी आयएएनएसला घटनेची माहिती दिली. त्यांनी सांगितले कि, “याप्रकरणी तक्रार दाखल केली असून  संबंधित आरोपीचा  तपास  सुरू आहे.”

आयएएनएसकडे दिलेल्या तक्रारीनुसार, “विनय कटियारच्या सुरक्षा प्रभारी आणि उत्तर प्रदेशचे श्योराज सिंह यांच्या निवेदनावर ही तक्रार दाखल करण्यात आली आहे.”