उस्मानाबाद/कळंब : पोलीसनामा ऑनलाइन – जादूगरीचे खेळ दाखणाऱ्या एका व्यक्तीने 13 वर्षाच्या मुलाला पळवून नेल्याची घटना उस्मानाबाद जिल्ह्यातील कळंब येथे घडली होती. कळंब पोलिसांनी मुलाची बारामती तालुक्यातील लिमटेक येथून सुटाका करुन जादूगाराला अटक केली. संकेत अशोक शेळके (वय-13) असे पळवून नेलेल्या मुलाचे नाव आहे. तर महादेव जनार्दन टिंगरे असे अटक करण्यात आलेल्या जादूगाराचे नाव आहे.
पोलिसांनी दिलेल्या माहितीनुसार, महादेव टिंगरे हा जादूचे खेळ दाखवतो. त्याने कंळंब येथून संकेत याला फूस लावून पळवून नेले. मुलगा बेपत्ता झाल्याने त्याच्या नातेवाईकांनी त्याचा सर्वत्र शोध घेतला मात्र, तो सापडला नसल्याने कळंब पोलीस ठाण्यात मुलगा बेपत्ता झाल्याची तक्रार दाखल केली. पोलिसांनी संकेतचा शोध सुरु केला. तसेच संकेतचा फोटो सोशल मीडियावर व्हायरल करून मुलाबाबत काही माहित असल्यास पोलीस ठाण्यात संपर्क साधण्याचे आवाहन केले होते.
दरम्यान, एका व्यक्तीने कळंब पोलिसांसाडे संपर्क साधून संकेत हा बारामती तालुक्यातील लिमटेक येथे असल्याची माहिती पोलिसांना दिली. कळंब पोलिसांनी बारामती पोलिसांच्या मदतीने लिमटेक येथे जाऊन संकेतची सुटका करून आरोपी टिंगरे याला अटक केली. ही कारवाई सहायक पोलीस निरीक्षक अशोक पवार, पोलीस नाईक गणेश वाघमोडे, अनिल तांबडे यांच्या पथकाने केली.
Visit : Policenama.com
- सकाळची पौष्टीक न्याहारी करते आजारांपासून दूर ठेवण्यास मदत
- ऑफिसमधील वातावरणाचा होतो आरोग्यावर परिणाम, ‘ही’ आहेत 8 कारणे
- सावधान ! आजारावर ‘ऑनलाइन उपचार’ शोधताय ? ‘या’ 8 गोष्टी लक्षात ठेवा
- मित्रमंडळींपासून दूर राहिल्यास वार्धक्यात विस्मृतीचा धोका ! ‘हे’ आहेत 4 दुष्परिणाम
- पाणी प्यायचे कसे ? चुकीच्या पद्धतीमुळे होईल पचनाचा आजार, ‘हे’ 8 नियम पाळा
- बाळंतपणानंतर ‘ही’ अतिघाई ठरू शकते आरोग्यासाठी घातक ! जाणून घ्या 6 उपाय
- ‘विहंगम’ योग संस्थानाद्वारे पुण्यात भव्य अध्यात्मिक कार्यक्रम, ५०१ कुंडीय विश्व शांती यज्ञ, तुम्ही देखील घ्या ‘लाभ’ !