दिवाळीनंतर टप्याटप्याने शाळा सुरु करणार !

मुंबई : पोलीसनामा ऑनलाईन – राज्यातील कोरोनाचा संसर्ग कमी होत असला तरी विद्यार्थ्यांचे आरोग्य आणि सुरक्षा तसेच कोरोनाची परिस्थिती लक्षात घेऊन दिवाळी(diwali) नंतर टप्याटप्याने शाळेचे वर्ग सुरु करण्यात येणार असल्याची माहिती शालेय शिक्षणमंत्री वर्षा गायकवाड ( School Education Minister Varsha Gaikwad) यांनी दिली आहे. तसेच सरसकट शाळा सुरु करून विद्यार्थ्यांच्या व शिक्षकांच्या आरोग्याशी खेळले जाणार नाही, असेही त्या म्हणाल्या.

दि. 15 ऑक्टोंबरपासून शाळा सुरु करायच्या की नाही. याचा निर्णय राज्यातील परिस्थिती आणि सरकारची तयारी पाहून राज्य सरकारने घ्यावा, असे केंद्राच्या अनलॉक 5 च्या मार्गदर्शक सुचनांमध्ये म्हटले आहे. त्याप्रमाणे आढावा घेऊन हा निर्णय घेण्यात येणार असल्याचे गायकवाड यांनी स्पष्ट केले आहे. इयत्ता 9 ते 12 या वर्गातील विद्यार्थी हे प्राथमिक शाळेतील विद्यार्थ्यांपेक्षा जास्त सजग असल्याने आणि त्यांचे महत्वाचे शैक्षणिक वर्ष असल्याने या वर्गाचा प्रामुख्याने शाळा सुरु करण्याचा विचार केला जाईल असे त्या म्हणाल्या.

You might also like